വ്യാജ പരാതിയിൽ പ്രതിയെ വെറുതെ ' വിട്ടാൽ, പരാതിക്കാരന് എതിരെ എപ്പോൾ നിയമ നടപടികൾ എടുക്കാം?

വ്യാജ ക്രിമിനൽ പരാതി – പ്രതി വെറുതെ വിട്ടാൽ പരാതിക്കാരനെതിരെ നിയമനടപടി എടുക്കാമോ?

By:

സലിൽ കുമാർ

അഡ്വക്കേറ്റ്

നാലാം ഗെയിറ്റ്

കോഴിക്കോട്-673001

ഫോൺ :  8075113965

(False Prosecution & Malicious Complaint – Legal Remedies) :

ആമുഖം :  

ഇന്ത്യൻ ക്രിമിനൽ നീതിന്യായ സംവിധാനത്തിൽ, **വ്യാജ പരാതികൾ** (false complaints) വലിയ സാമൂഹിക പ്രശ്നമായി മാറിക്കൊണ്ടിരിക്കുകയാണ്. വർഷങ്ങളോളം നീണ്ടുനിൽക്കുന്ന കേസുകൾ, സാമൂഹിക അപമാനം, സാമ്പത്തിക നഷ്ടം, മാനസിക പീഡനം – ഇവയെല്ലാം അനുഭവിച്ച ശേഷം,  തെളിവില്ല”  എന്ന കാരണത്താൽ ഒരു പ്രതിയെ കോടതി വെറുതെ വിടുമ്പോൾ ഉയരുന്ന പ്രധാന ചോദ്യമാണ്:

ഇനി, ഈ വ്യാജ കേസ് കൊടുത്ത പരാതിക്കാരനെതിരെ ഞാൻ എന്ത് ചെയ്യണം?

1. വ്യാജ പരാതി നൽകിയതിന് പരാതിക്കാരനെതിരെ തിരിച്ച് കേസ് ഫയൽ ചെയ്യാമോ ?

ഉത്തരം: കഴിയും.

എന്നാൽ ഓട്ടോമാറ്റിക് അവകാശമല്ല  ചില നിയമപരമായ നിബന്ധനകൾ പാലിക്കണം.

പ്രതിയെ വെറുതെ വിട്ടത് മാത്രം കൊണ്ട് പരാതി വ്യാജമാണെന്ന്  സ്വാഭാവികമായി നിഗമനം ചെയ്യാനാവില്ല. കോടതി കണ്ടെത്തേണ്ടത്:

* പരാതിയിൽ  തെളിവില്ലായ്മ മാത്രമാണോ , അല്ലെങ്കിൽ

* പരാതിക്കാരന്  അറിയാമായിട്ടും കള്ള ആരോപണം ഉന്നയിച്ചോ?

മാലിഫൈഡ് ഇന്റൻഷൻ” (malice)** തെളിയിച്ചാൽ മാത്രമേ  പരാതിക്കാരനെതിരെ നടപടി സ്വീകരിക്കാൻ കഴിയൂ.

2. സിവിൽ കേസ് ആണോ? ക്രിമിനൽ കേസ് ആണോ?

രണ്ടും സാധ്യമാണ്.

അവയുടെ സ്വഭാവം വ്യത്യസ്തമാണ്.

(A) ക്രിമിനൽ നടപടി (Criminal Action)

പ്രധാന വകുപ്പുകൾ (IPC / BNS സമാന വകുപ്പുകൾ)

1. IPC 211

   *കുറ്റം നടന്നിട്ടില്ലെന്ന് അറിഞ്ഞിട്ടും, ഒരാളെ കുറ്റക്കാരനാക്കാൻ വ്യാജ പരാതി നൽകൽ*

2. IPC 182

   *പോലീസിനോട് വ്യാജ വിവരം നൽകൽ*

3. IPC 193 / 195*

   (കള്ള സാക്ഷ്യം, വ്യാജ തെളിവ്)

പ്രധാന തടസ്സം:

CrPC 195  (BNSS സമാന വകുപ്പ്) പ്രകാരം,ഇത്തരത്തിലുള്ള കുറ്റങ്ങളിൽ നേരിട്ട് പോലീസ് കേസ് രജിസ്റ്റർ ചെയ്യാൻ സാധിക്കില്ല.

കോടതിയുടെ എഴുത്തുപരമായ പരാതിയില്ലാതെ  കേസ് നിലനിൽക്കില്ല.

(B) സിവിൽ കേസ് (Civil Suit for Damages)

Malicious Prosecution  എന്ന പേരിൽ

നഷ്ടപരിഹാരം (Compensation / Damages)

ആവശ്യപ്പെട്ട്  സിവിൽ കേസ്ഫയൽ ചെയ്യാം.

ഇവിടെ തെളിയിക്കേണ്ടത്:

1. മുൻപ് ഒരു ക്രിമിനൽ കേസ് ഉണ്ടായിരുന്നു

2. അത്  പരാതിക്കാരൻ ആരംഭിച്ചതാണ്

3. കേസ്  പ്രതിക്കെതിരായി അവസാനിച്ചില്ല  (Acquittal)

4. പരാതിക്ക്  നിയമപരമായ കാരണം (reasonable cause) ഇല്ലായിരുന്നു

5. പരാതിക്കാരന്  ദുഷ്ട ഉദ്ദേശം (malice) ഉണ്ടായിരുന്നു

6. പ്രതിക്ക്  യഥാർത്ഥ നഷ്ടം  സംഭവിച്ചു

3. പോലീസിൽ നേരിട്ട് പരാതി കൊടുക്കാൻ പറ്റുമോ?

സാധാരണയായി – പറ്റില്ല.

കാരണം:

* IPC 211, 193, 195 മുതലായ കുറ്റങ്ങൾ

*CrPC 195  പ്രകാരം   അതേ  കോടതി തന്നെ പരാതി നൽകണം.

എന്ത് ചെയ്യാം  ? 

പ്രതിയെ വെറുതെ വിട്ട  അതേ കോടതിയിൽ 

CrPC 340  (BNSS സമാന വകുപ്പ്) പ്രകാരം അപേക്ഷ നൽകാം:

ഈ കേസ് വ്യാജമാണെന്ന് കണ്ടതുകൊണ്ട്, പരാതിക്കാരനെതിരെ നടപടി വേണം.

4. ഹൈക്കോടതി / സുപ്രീം കോടതി വരെ വെറുതെ വിട്ടാൽ മാത്രമേ നടപടി എടുക്കാനാകൂവോ? 

അല്ല.

ട്രയൽ കോടതിയിൽ acquittal  ഉണ്ടായാൽ തന്നെ

 1.      CrPC 340 അപേക്ഷ നൽകാം

  2.    സിവിൽ കേസ് ഫയൽ ചെയ്യാം

എന്നാൽ , അപ്പീൽ / റിവിഷൻ നിലനിൽക്കുന്ന സമയത്ത് നടപടി എടുക്കുന്നത്പ്രായോഗികമായി അപകടകരമാണ്.  സുരക്ഷിതമായ മാർഗം  കേസ് അന്തിമമായ ശേഷം  (finality) നടപടി സ്വീകരിക്കുക എന്നത് തന്നെയാണ് '

5. നഷ്ടപരിഹാരം വാങ്ങിയ ശേഷം, സുപ്രീം കോടതി ശിക്ഷ വിധിച്ചാൽ ആ തുക എന്താകും ?

ഇത് വളരെ  പ്രധാനവും സങ്കീർണ്ണവുമായ നിയമചോദ്യമാണ്.

നിയമസ്ഥിതി  :

* സിവിൽ കോടതിയിൽ   നിന്ന്  ലഭിച്ച നഷ്ടപരിഹാരം  പിന്നീടൊരു ക്രിമിനൽ അപ്പീലിൽ ശിക്ഷ വന്നാൽ, ഓട്ടോമാറ്റിക്കായി തിരിച്ചു കൊടുക്കണം എന്ന് നിയമമില്ല.

എന്നാൽ: ഇത്തരം കേസുകളിൽ സുപ്രീം കോടതി   ചിലപ്പോൾ  ഇങ്ങിനെ വ്യക്തമാക്കാം :

* താഴത്തെ കോടതി വിധി തെറ്റായിരുന്നു

  * നഷ്ടപരിഹാരം അന്യായമായി ലഭിച്ചതാണ് ' 

 അപ്പോൾ:

* പരാതിക്കാരന്     താൻ നൽകിയ നഷ്ടപരിഹാര തുക   Restitution  (തിരിച്ചു നൽകൽ)  ആവശ്യപ്പെടാം

  * അല്ലെങ്കിൽ  വേറെ സിവിൽ നടപടി സ്വീകരിക്കാം

Equitable principle  അടിസ്ഥാനമാക്കിയുള്ള തീരുമാനമാണ്.

6. എല്ലാ acquittal കേസുകളിലും പരാതിക്കാരനെതിരെ കേസ് ഫയൽ ചെയ്യാമോ?

 ഇല്ല.

വ്യക്തമായ നിയമസ്ഥിതി  :

I '  താഴെ പറയുന്ന കാരണങ്ങൾ കൊണ്ടാണ് പ്രതിയ വെറുതെ വിടുന്നത് എങ്കിൽ, പരാതിക്കാരന് എതിരെ നിയമ നടപടി എടുക്കാൻ കഴിയില്ല  :

| തെളിവില്ലാത്തത്    കൊണ്ടുള്ള acquittal          

| പ്രോസിക്യൂഷൻ പരാജയം   ആയത് കൊ ണ്ടുള്ള   acquittal                

| സാക്ഷികൾ hostile  ആയത് കൊണ്ടുള്ള acquittal            

| അന്വേഷണം ദുർബലമായത് കൊണ്ടുള്ള acquittal                

 

II.  താഴെ പറയുന്ന   2 സാഹചര്യങ്ങളിൽ മാത്രമേ ഇത്തരം ഒരു പരാതി പരാതിക്കാരന് എതിരെ നൽകാൻ കഴിയൂ :

............................................................... .............. 

1. അറിയാമായിട്ടും കള്ള പരാതി           

2.  ദുഷ്ട ഉദ്ദേശത്തോടെ കുടുക്കൽ           

 False case ഉം  Failed Case  ഉം രണ്ടാണ് '

എല്ലാ failed Case ഉം false Case അല്ല. false case ൽ മാത്രമേ പരാതിക്കാരനെതിരെ കേസ് നൽകാൻ കഴിയൂ.

 സുപ്രീം കോടതി – കേരള ഹൈക്കോടതി നിയമതത്വങ്ങൾ :

Acquittal  ആയത് കൊണ്ട് മാത്രം അത് ഒരുfalse Complaint ആകുന്നില്ല.

പരാതിക്കാരന്   Malicious intent  തെളിയിക്കണം

CrPC 340 നടപടി   exceptional  ആണ്കോടതികൾ സാധാരണയായി    revenge litigation   പ്രോത്സാഹിപ്പിക്കില്ല എന്നാൽ,  നീതിയെ ദുരുപയോഗം ചെയ്യുന്നവരെ  സംരക്ഷിക്കുകയുമില്ല

ഇതെല്ലാം Supreme Court ഉം കൂടാതെ  Kerala High Court ഉം  നിരവധി വിധികളിലൂടെ  സ്ഥിരമായി ആവർത്തിച്ചിട്ടുള്ള നിയമതത്വങ്ങളാണ്.

സംഗ്രഹം (Conclusion)

1. വെറുതെ വിട്ടാൽ  തിരിച്ച് നടപടി എടുക്കാം , പക്ഷേ നിബന്ധനകളോടെ  വ്യാജ പരാതികളിൽ മാത്രം ' പ്രതിയെ വെറുതെ വിട്ട എല്ലാ കേസുകളിലും അല്ല എന്ന് ചുരുക്കം.

2. Criminal ഉം  Civil ഉം ആയി രണ്ടും വ്യത്യസ്ത മാർഗങ്ങൾ സ്വീകരിച്ച് കേസ് ഫയൽ ചെയ്യാം.

3. പോലീസ് വഴി സാധാരണയായി പറ്റില്ല

4. കേസ് അന്തിമമായ ശേഷം നടപടിയെടുക്കുന്നതാണ് സുരക്ഷിതം

5. നഷ്ടപരിഹാരം പിന്നീട് മാറാവുന്ന സാഹചര്യങ്ങൾ ഉണ്ട്

6. എല്ലാ acquittal-ലും  നടപടിയില്ല – malice തെളിയണം.